Na 2018 Andruw Jones ta eligibel pa Hall of Fame di MLB.


Na 2018, e pelotero yu di Kòrsou Andruw Jones ta eligibel pa drenta Hall of Fame di Cooperstown. Andruw Jones ta konsiderá komo e mihó ‘centrefielder’ di su tempu. Aparte di Andruw, otro èks-peloteronan ku tambe ta den grupo pa drenta salon di fama ta, Jim Thome, Chipper Jones, Omar Visquel, Scott Rolen, Johan Santana i Johnny Damon. Entre 1996 pa 2007, Adruw Jones a hunga na tur 12 temporada ku Braves. Durante e periodo ei, el a gana 10 wante di oro konsekutivo i a hunga 5 biaha den wega di tur strea. Ku e organisashon di Braves, Andruw Jones tin 434 honron riba su nòmber. Aña pasá Andruw Jones a drenta salon di fama di Atlanta Braves. Na e okashon aki, e vise-presidente di Braves, John Schuerholz tambe a drenta e salon di fama di e ekipo. John Schuerholz ya ta kla pa drenta Hall of Fame di MLB, despues di keda eligí pa e komité veterano. Pa por drenta Hall of Fame, Andruw Jones mester ta riba 75% di e lista di votadónan.