Jean-Julien Rojer eliminá den kampionato habrí na Oustralia.


Jean-Julien Rojer i su partner rumano Horia Tecau, a keda eliminá den di tres buèlta den dòbel den Habrí di Oustralia. Ku un skor di 6-7, 6-7, Marc Polmans i Andrew Whittington, hungando na kas, a gana di Rojer i Tecau pa sigui pa e siguiente buèlta. Tur dos sèt a bai pa e oustralianonan despues di un “tiebreak”. Nan a gana despues di un wega ku a dura un ora ku 45 minut. Rojer a keda ku un bon sintimentu despues di su delaster partido. Den e partido ei, e yu’i Kòrsou a derotá e ulandesnan Wesley Koolhof i Matwé Middelkoop.