Stephanie del Valle di Puerto Rico a keda koroná komo Miss World 2016. El a resaltá riba e e otro faboritonan di Repúblika Dominikana i Indonesia den e kompetensia entre bunitesanan for di rònt mundu. Del Valle di 19 aña, ta un studiante ku wowo koló bruin, ku ta papia spañó, ingles i franses. Den fúturo e ta spera di por drenta den e industria di entretenimentu. E beyesa di Puerto Rico a keda koroná pa Miss World 2015, Mireia Lalaguna di Spaña. Den su promé reakshon, del Valle a bisa ku esaki un onor i gran responsabilidat pa representá su patria den karibe.
Promé finalista, tabata Yaritza Miguelina Reyes Ramirez di Repúblika Dominikana, siguí pa Miss World Indonesia, Natasha Mannuela. E partisipante di Kenya i Catriona Gray di Filipinas, tambe tabata entre e sinku finalistanan.