Den un seremonia trankil i bunita, huntu famia i amistatnan yegá, e pelotero di Los Angeles Dogers, Kenley Jansen drenta e boto matrimonial ku Gianni Jansen-Francisca. Gianni ta yu di e konosido pareha den mundu di “body building” na Kòrsou, Stanley Francisca i Ninita Rumai i ruman di e popular DJ RO-1. E kasamentu a tuma lugá den misa di Montaña i despues tabatin e parti di selebrashon na Santa Barbara Beach & Golf Resort. Kenley i Gianni tin un tempu kaba huntu i ta biba na Merka. E pareha tin un yu hòmber Kaden di 1 aña. Masha pabien na famia Jansen.
