Despues di lunan di trabou duru, a kuminsá ku e fase final pa yena e pisina na Sentro Deportivo Kòrsou ku awa (SDK). Pa yena e pisina, den kuá ta bai 2.500 küp (m3) (esaki ta 2.500.000 liter), tin mester di kasi 25 dia pa lag’e yena kompletu. Ora esaki ta kla, porfin e or’ei alumnonan di skol lo por usa e fasilidat atrobe. Despues di un inspekshon rigoroso na e pisina aña pasá, mester a saka esaki for di sirkulashon i hasi kambionan struktural. Dia 5 di novèmber aña pasá outoridatnan polisial riba òrdu di G.G.D. a laga será e pisina definitivamente. Ya for for di òktober G.G.D a ordená pa será e pisina. Mester a saka tur e awa for di e pisina i laga limpia e baki por kompletu. Ademas mester a hasi algun ahuste mas. A tene kuenta ku tantu e parti higiéniko komo aspekto di kambio. Awor, praktikamente un aña despues, e pisina ta bai ta habrí atrobe pa eventonan akuátiko.