Eksitoso SummerFall lo sigui na 2017.


Color Events ta hopi satisfecho ku e promé edishon di SummerFall 2016, ku a tuma lugá den stadion Ergilio Hato den fin di siman. Dilanti di un bon públiko, artistanan grandi di genero di músika úrbano a pone un tremendo fiesta. Medionan internashonal grandi, manera TMZ i People Magazine a papia di un "epic concert" na Kòrsou, debí na e "line-up" impreshonante. August Alsina, Fat Joe i French Montana, huntu ku Yo Gotti, Meek Mill i "the boss", Rick Ross a sòru pa un real espektakulo. E chèri riba e bolo tabata aparishon di Nicki Minaj, ku a primintí di loke bolbe Kòrsou pa presentá.

Un dje artistanan ku tambe lo mester a presentá tabata Lil Wayne. Sinembargo e artista mes nunka a yega Kòrsou, apesar ku a el a haña su pago kompleto, promé ku e show a tuma lugá. Segun promotor Verney Jansen, e músiko di Lil Wayne tabata na Kòrsou, pero a nan a slùip subì avion djasabra mainta i bai bèk Miami. E tim di maneho di Lil Wayne lo a deklará ku e artista a sufri un atake di kurason na Miami. Color Events di nan parti ya a instruí nan abogadonan na Los Angeles pa kuminsá un kaso mesora kontra di e artista pa por haña nan plaka bèk.

Ta e intenshon pa na 2017 bolbe organisá e festival SummerFall i kisas un otro aktividat grandi mas, asina Verney Jansen di Color Events a deklará.