Robert De Niro lo no papia malu mas di Donald Trump.


Despues ku anteriormente Robert De Niro a krítika Donald Trump basta fuerte, el a hasi algun komentario ménos negativo di e presidente elekto merikano. Resientemente De Niro a risibí e rekonosementu ‘Medal of Freedom’ di presidènt Barack Obama. Despues di e akto el papia ku e wepsait polítiko The Hill. E aktor di 73 aña a bisa ku tur hende mester warda i spera ku e lo duna e guia na e pais kaminda tur hende lo por benefisiá for di dje. Tantu hendenan na Merka mes pero tambe otronan for di rònt mundu. “Awor e ta presidente i mi ke mira kon e ta bai hasi esaki,” De Niro a bisa. Promé ku Trump a gana elekshon, De Niro no bisa kosnan muchu positivo di dje. Entre otro el a referí na Trump komo un persona bobo, un estafador ku nos sa di kiko e ta papia i no ta interes'é tampoko. Un persona ku ta kere ku e ta masha kos i ku no ta paga su belasting. Den video riba retnan sosoial, De Niro a bisa tambe ku Trump ta un idiot, pero awor e lo ta menos fuerte.