Si Kanye West lo a hasi uso di su derechi di voto 8 di novèmber último, e lo a vota pa Donald Trump bira presidente di Merka. Esaki e la bisa durante un konsierto na San Jose. Aparentemente e públiko no a reakshoná masha positivo riba esaki. West a bisa ku rèpernan ta filósofonan di awendia i selebridatnan e influensha di mas grandi. E la sigui bisa ku awor tin un presidente nobo, ku nunka promé tabata den polítika i tòg a gana. Den pasado West a bisa kaba ku e lo konsiderá pa pone su mes eligibel pa presidente na 2020. Durante e konsierto e la bolbe bisa esaki. El a bisa ku e ta preparando su mes pa su kampaña polítiko.