Merka ta su ruta pa Mundial 2018 ta skur.

Despues di un derota di 4-0 kontra Costa Rica, partisipashon di Merka den na kampionato Mundial 2018 na Rusia, ta hopi skur. Na Panama, Méksiko a empatá na sero gol ku e pais di kas. Honduras a derotá Trinidad i Tobago 3-1. Na San José tabata Johan Venegas, ku a habri e markadó kontra Merka. Ocho minüt despues, Costa Rica a skor tres bia mas. E delantero di Sporting Lissabon, Joel Campbell a hinka dos gol i despues Christian Bolanos.

E derota aki ta pone merka na último lugá den e pul di klasifisikashon di Concacaf. Fin di siman pasá e selekshon bou di direkshon di bondscoach, Jürgen Klinsmann, a pèrdè na kas tambe kontra Mèksiko ku 2-1. Costa Rica a gana komo úniko pais su promé dos partidonan i ta komandá e tabla di posishon den nan pul. Mèksiko ta pará na di dos lugá despues di a empata na sero gol ku Panamá, ku na su turno ta na di tres lugá, ku ménos saldo di gol. Danki na e triunfo riba Trinidad i Tobago, Honduras a haña su promé puntonan. Romell Quioto i Emilio Izaguirre a hinka gol den e promé 20 minütnan. Despues un gol di Carlyle Mitchell, a sòru pa e tenshon bini bèk. Tabata despues di “halftime” ku Eddie Hernandez a sòru pa e gol desisivo pa Honduras.