Lei 80/20 ta bai Raad van State.


E lei laboral 80/20 lo keda manda pa Raad van State pa evaluashon. Anteriormente Raad van Advies, ku ta e konseho konsultativo a duna remarkenan ménos positivo pa ku e konsepto di lei aki. Ademas, gobernadó tambe a manda e lei bèk pa motibu ku e lei ta ser konsiderá komo unu diskriminatorio. No opstante e remarkenan negativo, gobièrnu sí ta di opinion ku e lei no ta diskriminatorio i ta kumpli ku e prinsipio di igualdat. E lei ta enserá ku den futuro, kompanianan i organisashonnan ku empleá hende lo mester perkurá pa por lo menos 80% di nan ta trahadónan ta lokal i sobra 20% por ta estranhero. Pueblo Soberano ta e partido ku ta boga pa introdukshon di e lei aki.