Manera antesipá, partido Republikano, ta mantené mayoria den e Kas di Representantenan na Merka. Esei ta loke kanalnan merikano, NBC i ABC a indiká a base di “exitpolls” i promé resultadonan. E partido ta disponé awor di 247 asiento di un total di 435 asiento den Kas di Representantenan. E demókratanan tin 188 asiento den man. E lucha pa kòntròl riba Senado tin muchu mas suspenso. Republikanonan den marduga di djaweps tin 54 asiento, e Demókratanan tin 44 asiento i tin dos senador ta independiente. Por kompará Kas di Representantenan ku Tweede Kamer na Ulanda. Huntu ku Senado, e instituto ta forma Kongreso Amerikano. Miembronan di e institutonan ta keda skohí direktamente kada dos aña.