Protesta den vários siudat na Merka kontra Presidente elekto Donald Trump.

Miles di merikano a subi kaya djarason anochi pa protestá kontra resultado di elekshon na Merka. Den un kontienda bastante pèrtá, e empresario mionario, Donald Trump a gana su kontrinkante demókratá Hillary Clinton den elekshon di djamars 8 di novèmber. Na Manhattan miles manifestante tabata riba kaya, mientrás nan tabata grita “No mi Presidente”. Den otro partinan di New York tambe e hendenan a subi kaya. Den e siudat di Chicago, e manifestantenan a konsentrá dilanti di Trump International Hotel & Tower. Nan tabata grita : “Trump Nò! KKK Nò! Nos no ke un Merka rasista”. Polis mester a sera vários kaya pa evita ku e manifestantenan por sigui pasa. Na Boston, Detroit i Philadelphia tambe tabatin prostestanan konta e presidente elekto Donald Trump.