Miembronan di seguridat a baha Trump ku urgensia for di tarima. (video)

Miembronan di seguridat mester a baha e kandidato republikano, Donald Trump ku urgensia for di tarima durante un diskurso na Reno (Nevada). Segun un testigo, e insidente a tuma lugá diripente i kousa basta konmoshon.

Riba imágennan (video) por mira Trump konsentrá ta wak den direkshon di e públiko, na momentu ku polisnan di servisio sekretu merikano a subi tarima, gar’é i a hal’é bai kuné. E otro agentenan a gara un hòmber ku tabata pará hopi dilanti den e públiko. Despues polis a bai kuné. Un fuente a indiká na CNN ku no a deskubrí niun arma. Klek akí pa wak video di e insedente.

Despues di algun minüt Donald Trump a bolbe riba e tarima. "Niun hende no a bisa ku lo ta fásil pa nos. Pero nunka lo por stòp nos,” e kandidato repúblikano a deklará despues dje insidente.