![](https://static.wixstatic.com/media/8d73fb_5ffcc47a8e8a42349d75344bb3492eb9~mv2.jpg/v1/fill/w_109,h_77,al_c,q_80,usm_0.66_1.00_0.01,blur_2,enc_auto/8d73fb_5ffcc47a8e8a42349d75344bb3492eb9~mv2.jpg)
Presidente Barack Obama, tambe a kritiká e forma di aktua di FBI den hinter e asuntu di i-meilnan di e kandidato demókrata Hillary Clinton. Pero Obama no a menshoná nòmber di e direktor James Comey. ''Mi ta kere ku den kaso di investigashonnan asina, ta regla ku bo no ta aktua a base di spekulashon, informashon defisiente òf riba kosnan ku a lèk,” asina Presidente Obama a bisa djarason den un entrevista na radio ku e emisora Now This News.
El a indiká tambe di forma kla, ku e no ke bai mete den un investigashon independiente. “Nos ta boga pa tin un base di huzgamentu konkreto,” asina Presidente Barack Obama a bisa den rekta final kampaña presidensial. A traves di su portabos Josh Earnest, e presidente a laga sa ku e no ta sospechá Comey, di tin un prefernsia polítiko. No opstante ku e ta haña su partisipashon robes i sin sentido.