Humprey Davelaar lo ta temporalmente presidente di Parlamento.


Humphrey Davelaar lo asumí temporalmente e puesto di presidente di Parlamento. Djarason mèrdia tin e promé reunion di Parlamento. Esaki ta loke partidonan MAN, PAR, PS i PNP a akordá, siman pasá durante e rondanan di informashon. Ta e intenshon pa Davelaar kubri e puesto te ora ku partidonan di koalishon yega na un akuerdo definitivo tokante repartishon di karteranan. Aktualmente Davelaar ta visepresidente di Parlamento for di 7 di dezèmber di aña pasá. Dia 2 di novèmber lo instalá Parlamento di Kòrsou ofisialmente. Durante e promo reunion di Parlamento lo skohe e presidente i visepresidente nobo. Según formadó Kenneth Gijsbertha, partidonan di koalishon a akordá ku nan lo skohe Davelaar komo presidente i Jaime Cordoba komo visepresidente. El a enfatisá ku esaki ta un desishon temporal, ya ku despues ku repartí e karteranan pa gobièrnu nobo, e puestonan por kambia.