FC Barcelona a papia ku famia, pa un homenahe permanente pa Johan Cruijff.


Posiblemente Johan Cruijff lo haña un estatua den Camp Nou. Esei presidente di e ekipo, Josep Maria Bartomeu a sugerí djasabra den e reunion pa miembronan di FC Barcelona. “Nos ta den kombersashon ku famia di Johan Cruijff pa un homenahe permanente,” asina Bartomeu a bisa e sosionan di e klup katalan. E íkono di e superpotensia katalan a muri na mart di aña akí na edat di 68 aña. Johan Cruijff tabatin kánser na pulmon. Despues di su morto, durante kuater dia largu, fanátikonan por a rindi homenahe den e último tributo na Cruijff den Camp Nou. Ademas, e habitante di Amsterdam a keda grandemente konmemorá promé ku e partido konosí komo e ‘Clasico’, kaminda Barcelona ta topa su rival di tur tempu Real Madrid.