![](https://static.wixstatic.com/media/8d73fb_52b8fe4ce43a4cdbb96668da75edc2e2~mv2_d_2048_1358_s_2.jpg/v1/fill/w_147,h_97,al_c,q_80,usm_0.66_1.00_0.01,blur_2,enc_auto/8d73fb_52b8fe4ce43a4cdbb96668da75edc2e2~mv2_d_2048_1358_s_2.jpg)
E prestigioso revista merikano “The Sporting News” a premia Kenley Jansen di Los Angeles Dogers, komo e mihó relevista di Liga Nashonal pa e temporada di 2016. Un grupo di 27 ehekutivo ta selektá diferente hungadó di kada posishon. Despues ta saka e mihó hungadónan pa aña 2016. E yu di Kòrsou di 29 aña tabatin un ERA di 1.83 den 71 partido. El a poncha 104 bateadó den 68 inning i dos tèrsio. Durante hinter a temporada Kenley a duna solamente 11 base por bola, lo ta muestra di un tremedo kòntròl riba su picheo. Den 2016 Kenley a bira e “closer” ku mas wega salbá den historia di Los Angeles Dogers. Di e 53 biahanan ku Kenley a subi montikulo, ela salba 47 den 2016, pa totalisá 189 wega salbá riba su nòmber. Kenley Jansen ta bira e di dos relevista pa Dogers ku ta gana e premio. Na 2003 Eric Gagne tambe a logra sali e mihó relevista di temporada den Liga Nashonal di MLB.