No opstante ku Movementu PAS (Partíotiko Adelanto Sosial) di Charles Cooper a kue 3452 voto, ku no tabata sufisiente pa un asiento, e organisashon polítiko lo kontinuá. Segun PAS e kantidat di voto ta indiká ku nan tin un base grandi i legitimo den komunidat. Komo tal e partido a instalá un komishon bou di presidensia di Edil Poulina pa evaluá kampaña i e resultado dje partido. Den novèmber e partido lo tene un dia di estudio pa mira kon lo sigui funshoná pa i ku pueblo. PAS ta gradisí tur su votadónan, ademas ta felisitá tur e partidonan ku a saka asiento. Movimentu PAS ta deseá eksito tambe na e gobièrnu nobo di Kòrsou. E Movimentu ta konsiente ku e debí na interesnan neo-liberal partidista grandi ku tin Kòrsou i tambe e faktor di materialismo kresiente, ku e kaminda pa patriotismo ta unu largu. P’esei PAS lo sigui traha riba e simianan ku a keda sembrá dia 5 di òktober último durante elekshon pa parlamentu.