FBI a papia ku Angelina Jolie i su yunan riba Brad Pitt.


Djamars último, dos agente di FBI a interogá Angelina Jolie i su yunan. E kombersashon lo a trata e pelea entre Brad Pitt i su yu hòmber Maddox di 12 aña. Segun TMZ e ofisina nashonal di reshèrshi merikano no tin e kaso ofisialmente den investigashon. FBI a hasi e preguntanan netamente pa determiná si ta nesesario pa tuma medidanan pa persegui e aktor Brad Pitt.

E agentenan kier a sa unda e insidente a tuma lugá. Dor ku e famia tabata den un avion durante e diskushon, por nifiká ku outoridatnan merikano no tin nada di bisa tokante e supuesto maltrato.

Luna pasá Jolie a pidi Pitt diborsio i a deklará ku e ke e tutela pa tur e seis yunan. Segun rumornan el a tuma e desishon ei despues ku Pitt a maltratá nan yu mayó. E aktor a nenga esei kategórikamente i a entamá un kaso hurídiko pa komparti e tutela di Maddox, Pax, Zahara, Shiloh, Knox i Vivienne.