Te den lat di marduga e resultado di elekshon na St.Maarten a bira konosí i United People’s Party (UP) di Theodore “Theo” Heyliger a sali e partido ganadó. Den tempran ainda un resultado basta pèrtá ku apenas algun shen voto di diferensia entre UP i National Alliance (NA) di William Marlin, pero mas lat UP a finalisá ku un diferensia komodo. No opstante e resultado, tur kos ta indiká ku e partido di Theo Heyliger lo sigui den oposishon. Ku 10 asiento repartí entre NA, USP i DP, komodamente e partidonan lo por sigui goberná. E repartishon di e 15 asiento pa parlamentu di St.Maarten ta bira : 5 asiento (4127 voto) pa United People’s Party (UP) di Theo Heyliger 5 asiento (3783 voto) pa National Alliance (NA) di William Marlin 3 asiento (2796 voto) pa United St.Maarten Party (USP) di Frans Richardson 2 asiento (1810 voto) pa Democratic Party Sint Maarten (DP) di lider Sarah Wescot-Williams
Na tur 14582 hende a hasi uso di nan derechi di voto na e 21 urnanan. Esaki ta representá 65% di e kantidat di hendenan ku por a vota na St.Maarten.