Angelina Jolie a entrega un petishon di divorsio kontra Brad Pitt. E kousa lo ta un konflikto tokante nan yunan, abuso di supstansia i rabia, segun informe nan di TMZ. Jolie ta pidi pa kustodia físiko di nan 6 yunan. E la pidi hues duna Pitt derecho di bishita. Jolie no ke pa nan tin kustodia físiko kompartí, únikamente kustodia legal. Fuentenan yega na e pareha ta informá ku Jolie su desishon ta basá riba e manera ku Pitt ta edukando nan yunan. E aktris ta ekstremadamente preokupá ku esaki. Fuentenan ta bisa ku Jolie a kansa di Pitt su uzo di mariwana i posiblemente alkohòl, kombiná ku loke ta parse un problema di rabia. Jolie ta sinti ku esaki por ta peligroso pa e muchanan. TMZ ta informá ku no tin un di tres persona envolví den e desishon di Jolie, i ku su desishon ta únikamente a base di Pitt su interakshon ku e muchanan. Jolie a fiha komo fecha di separashon dia 15 di sèptèmber 2016 i a indiká ku e no ta pidi mantenshon for di Pitt. Nan a kasa na ougùstùs di 2014 i ta huntu for di 2004. Último bia’ ku a mira e pareha huntu ta na yüli ora nan a bai desayuná na West Hollywood riba hasimentu di aña di nan ohochi Knox i Vivienne.