Britney Spears ke kanta ku Justin Timberlake.


Britney Spears a bisa ku e tin hopi gana di kolaborá ku su èks Justin Timberlake. Den un entrevista durante un programa na iHeartRadio e artista a splika ku Timberlake ta un di esnan ku e lo ke kanta kune pronto. "Mi ta haña Aerosmith tambe hopi bon, e ta un genio", asina Spears a bisa di e banda merikano di ròk. "Gwen Stefani tambe mi ta haña tremendo". Despues di esaki el a menshoná ku Justin Timberlake tambe ta “hopi bon”. Spears tabatin un relashon amoroso ku Timberlake di 1999 pa 2002. E temporada ei Justin Timberlake ainda tabata forma parti di e banda NSYNC. E hit “Cry Me A River” di Timberlake ta bai over di e fin di su relashon ku Spears. Den e piesa e ta sugerí ku e relashon a yega na su final pa motibu di e infidelidat pa banda di Britney Spears.