Bolt ta gana oro riba 200m tambe i Churandy ta hera un medaya.

Usain Bolt (29) a prolongá su título olímpiko di 200m tambe, mientras ku Churandy Martina a kai djis apenas 0.01 sekònde chikí pa e medaya di bròns. Durante e karedafinal riba na Rio de Janeiro, e jamaikino Usain Bolt a klòk 19,78 sekònde. E medaya di plata a bai pa e kanades Andre de Grasse ku un tempu di 20,02. Churandy Martina mes a kore un kareda fuerte i a yega hopi serka di medaya. Churandy a kore 20,13, mientras ku number 3, e franses, Christophe Lemaitre i e number 4, Adam Gemili di Gran Bretania, a kaba ku e tempu di 20,12. Pa Churandy, di 32 aña, esaki tabata su di tres olimpiada tras di otro riba 200 m. Churandy Martina no a sinta yora pa e oportunidat pèrdí. “Mi tabata ke un medaya, m’a bai p’e di bèrdat, pero ya, esei no a logra” asina el a deklará pa NOS. Ya, e no tabata por mihó. Mi ta spera ku mi no a desapuntá niun hende. Mi ke keda positivo. Mi stima tur hende,” e atleta yu di Kòrsou a finalisá.