Andruw Jones ta drenta salon di fama di Atlanta Braves.


“The Kid from Curacao”, Andruw Jones, ofisialmente a keda rekonosé pa e organisashon di beisbòl liga grandi, Atlanta Braves, komo un dje mihónan di tur tempu. Andruw Jones a marka historia komo e uniko pelotero hoben ku a konekta homerun na inisio di su karera ku Braves, durante World Series. E beisbòlista yu di Kòrsou a gana 10 wante di oro i na 5 okashon a forma parti di All Star Games. Den Turner Field por mira su foto i hazañanan den e museo historiko den stadio dje ekipo. E akto historiko aki lo tuma lugá den e luhoso Hyatt Regency na Atlanta, Georgia. Andruw Jones ta bira e promé pelotero yu di Kòrsou i di reino ulandes, ku ta drenta den e prestigioso Hall of Fame di Atlanta Braves. Esaki ta e prome paso riba e kaminda pa Andruw Jones drenta den e historiko museo di Hall of Fame na Cooperstown, New York.