Un miembro di kuerpo polisial na Boneiru a bira víktima di asesinato na momento ku e tabata ehersé su funshon. Sentral di polis a risibí yamada pa asistensia na kaso di ladronisia ku tabata tuma lugá den un kas den e bario Sabadeco Shores. Na yegada di e patruya a nota di dos hòmber sospecho den e kas. Ora ku e sospechosonan a mira polis nan a sali na kareda i a kuminsá un persekushon. Durante di esaki un di e sospechosonan a lòs bala dirigí riba polis ku resultado ku un di e agentenan a haña bala. E bala(nan) ku a alkansá e polis, a lag’é den situashon kritiko. Ku emergensia a transporte pa hòspital kaminda e la bin fayesé mas despues.
