Silvio Berlusconi a bende AC Milan ku invershonistanan chines.


Silvio Berlusconi kier a bende e klup pa duna esaki mayor rekurso finansiero. Pues e komo presidente di AC Milan, Berlusconi a bai di akuerdo pa bende su 99,93 % akshonnan ku un konsorsio chines. E benta di e 7 bia ganadónan di Kopa Europa tin un balor pa e klup italiano di 740 mion euro, huntu ku un debe adishonal di 220 mion euro. E grupo ku ta kumpra e klup, Sino-Europe Sports Investment Management Changxing, (tradusí: Sino-Invershon Maneho Deporte Europa) a bai di akuerdo pa invertí 350 mion euro den e siguiente tres temporadanan. AC Milan a finalisá na di shete lugá den seri A durante e último temporada. AC Milan lo uni nan mes na nan rivalnan di siudat, ku tambe ta pertenesé na invershonistanan chines. E anunsio ta bini nèt riba e mesun dia ku Premier League side West Brom a djoin nan bisiñanan di Midlands Wolves i Aston Villa, ku tambe ta bai pertenesé na konsorsionan chines.