Outo ta ranka palu di lus riba kaminda pa bai Blue Bay.


Djasabra atardi band’í seisor a tuma lugá un aksidente, den kua un hobensita a pèrdè kòntròl riba su vehikulo i bai dal den un palu di lus. E aksidente a tuma lugá riba e kaminda pa bai Blue Bay na altura di e planta di awa. Pa motibu deskonosí ainda, e vehíkulo ku tabata kore den direkshon di Blue Bay, a basha e palu di lus abou i ranka e waya di koriente bai kuné. No tabatin herido den e aksidente, pero si e damita a keda basta spantá despues di e suseso. E vehíkulo a sufri daño material i a pidi asistensia di outoridatnan pa atendé e kaso.