Rei Willem-Alexander, a disfrutá djasabra di e prestashon di e deportistanan hulandes, na Olimpiada Rio 2016. Maske ku ainda niun medaya no a bai pa Ulanda. “Un medalla di sorpresa riba e promé dia por duna e delegashon di Hulanda mas spiritu”, asina rei a bisa despues di e kareda di kaya di siklismo. “Pero desapunto ta parti di deporte. A propósito, mi a mira un bunita viktoria den vòlibòl femenino i e deportistanan di rema, ku a sigui pa e siguiente buèlta. Pues m’a disfrutá di hopi bon deporte.” Djasabra anochi, rei Willem-Alexander a bula bèk pa Hulanda. Promé minister Mark Rutte tambe ta na Rio pa un bishita kòrtiku. E la bisa di ta pensa mas lihé ku e rèkòrt di medaya ulandes di Sidney 2000 (25 medaya pa Ulanda) lo kibra. Rei mes ta hopi kouteloso. "Mi no ta hasi niun pronóstiko. Tur hende ta bai hasi lo máksimo. Lo bai tin desapunto, un di-bon i algun sorpresa. Pero mi sa sigur ku hopi deportista hulandes lo regresá for di Rio ku un eksperensha bunita”. Rei ta masha bou di impreshon di e trabou di e brazileñonan i p’esei tambe e ta vewagt tambe ku e weganan lo ta hopi bunita. “Brazileñonan a hasi e weganan un gran fiesta. Mi ta haña ku nan meresé apresio pa e echo ku nan no a skohe tur bia e kaminda di mas fásil, pero si nan a risibí mundo hinter na un manera masha bunita. E seremonia di apertura tabata masha bunita mes. Nan ta hasi algu masha bunita di e totalidat”, Rei Willem-Alexander a finalisá.
