E sekretario general di Nashonnan Uni, Ban Ki-moon (foto) lo ta un di e kargadónan di e antorcha djabièrnè awor, promé ku e kandela olímpiko sende aya na Rio de Janeiro. Esaki Nashonnan Uni a informá. Ban Ki-moon tin algun aktividat mas riba su programa, entre otro bishita e vila olímpiko, kaminda e lo topa e 10 refugiadonan ku lo partisipá bou di e bandera olímpiko. Na e weganan olímpiko di London na 2012 i weganan di invierno na Sochi 2014, tambe e sekretario general di Nashonnan Uni a karga e antorcha. E weganan olímpiko lo kuminsá ofisialmente djabièrnè 5 di ougùstùs ku e seremonia di apertura ku lo dura 5 ora. Ya for di djarason a kuminsá hunga e promé weganan di futbòl. Djasabra 6 di ougùstùs ta e promé dia ku un programa yen ku e weganan olímpiko.