Den un karta pa Parlamento, Frakshon di PAR ta bisa ku e partido ta sorprendí kon bin Promé Minister ta tarda mas ku un luna pa tuma akshon, siendo ku e tin e rapòrt di SOAB den kua ta relatá kasonan di mal maneho finansiero i te hasta di malversashon di fondonan publiko di parti di e minister plenipotensario na Den Haag. Esaki ta nifiká ku Minister Plenipotensiario tabatin 5 siman di mas pa sigui hasi i deshasí ku plaka di pueblo. Ke men Promé Minister ta fasilitá pa aktonan kondenabel di parti di Minister tuma lugá. Frakshon di PAR ta haña e situashon grave i ke pa por lo menos suspendé outoridat di e Minister Plenipotensiario pa sigui tin akseso na o disponé di fondonan di Kas di Kòrsou. Den e kuadro akí PAR a manda e siguiente preguntanan pa Promé Minister. Promé Minister a tuma nota di e publikashonnan den prensa tokante kontenido di e di e rapòrt di SOAB tokante maneho finansiero na Kas di Kòrsou? Promé Minister ta komparti e opinion di nos frakshon den sentido ku mester tuma medida di prekoushon i kita tur outorisashon di Minister Plenipotensiario pa ku maneho finansiero na Kas di Korsou? Promé Minister por informá Parlamento si tabatin mas transakshon of uso sospechoso di fondonan públiko durante di e último simannan? Si esei ta e kaso, anto por tene Promé Minister responsabel pa eventual daño hasí na Korsou den e periodo akí ya ku el a fasilitá malversashon?. [if !supportLineBreakNewLine]
[endif]