Te ainda tin 14 partido ku a pidi formulario di registrashon pa elekshon.


Despues di aviso di registro sivil, te ku e siman akí, 14 partido polítiko a pidi formulario pa ofisialmente registrá nan partisipashon na elekshon benidero. Den deklarashon na TeleCuraçao, presidente di Konseho Supremo Elektoral, Raymond “Pacheco” Römer a bisa ku nan ta spera 19 pa 20 partido lo inskribí dia 8 di ougùstus. Otro siman lo reuní ku tur partido pa determiná kon ta bai organisá e dia di entrega di lista. KSE ke pa tur partido haña e mésun kantidat di tempu pa entregá nan lista. Riba e dia ei partidonan tin entre 9or di mainta pa 4or di atardi pa entregá nan lista.