Dopie di Area 51 (produktor) a drenta studio ku Chaika.


E talentoso duo ta trahando riba un "single". Huntu ku kitarista Willem Blakenburgh nan a bai ‘live’ riba Facebook pa duna fanátikonan un antesala. Despues di e hit grandi di Chaika "Abo mi ke" huntu ku Mason, fanátikonan di Chaika a keda ku gana di mas. Ainda e “track” no tin nòmber. Den pasado Dopie tambe konosí komo "Getmalli" ya a mustra su kapasidat pa produsí hitnan grandi. Huntu ku su ruman QD, Area 51 nan a skor vários hit manera "Bon Bon Sèksi", "Dámelo" i resientemente "Sobredósis di Amor" i "Dat is van mij” huntu ku Bollebof i Nette Jongens. Ritmo di e “single” nobo di Chaika i Dopie lo bin ku un sabor di “dancehall” i ta bai ofer di un pareha kaminda e mucha muhé ta pidi e guy pa papia sèksi kuné pa e por kai "in the mood." E kitarista Willem Blankenburgh, ku a traha den pasado ku entre otro Levie Silvanie, tambe ta forma parti di e produkshon, ku un pida di kitara bibu toká. E “hook” di e kantika ta super “catchy” i fásil pa kanta. Parti di e letra ta bisa "Oh oh oh ki bo di, ki bo di papia ku mi sex, Pa." E “single” ta proyektá pa sali den wikènt benidero.