Churandy Martina den klep di Olimpiada.(video)

E popular artista Katy Perry a lansa e tema nobo pa Olimpiada 2016 titulá “Rise”. Den e video klep por mira vários momentu emoshonante di Weganan Olímpiko. I mei mei dje imágennan ku a usa por mira Churandy Martina paresé durante e kareda ku Usain Bolt na London 2012. E kanal merikano NBC a pidi e strea di pòp pa krea un tema ku nan lo usa durante e transmishon di Weganan Olímpiko 2016. Ya Katy Perry tabata bezig ku e tema “Rise” pa su álbum nobo. I awor e kansion lo haña aun mas kobertura komo tema di Olimpiada pa NBC. Den apenas algun dia ya e tema a bula 15 mion “views” riba YouTube. Por spera ku e kantidat akí lo sigui oumentá, debí ku Katy Perry ta un di e artistanan ku hopi miones di “stream” riba su plataformanan.

VIDEO : Klek riba potrèt pa mira e video klep

"Rise". Despues di un minüt por mira imagen di nos

Churandy Martina den e video klep di Katy Perry.