E hungadó brasileño Neymar a djòin selekshon di su pais, pa partisipá na Weganan Olímpiko den ougùstus. Neymar ke yuda Brasil yega na e úniko título ku ainda e pais no tin, esta kampion Olímpiko. Algun dia pasá Neymar a yega Granja Comary kaminda e ekipo ta konsentrá. Ainda e selekshon no a kuminsá trein, pero a kuminsá ku seshonnan di evaluashon. Neymar lo ta kapitan di e selekshon di Brasil durante Weganan Olímpiko. Despues di e mal papel di Brasil, sin Neymar, den Copa América, a kambia e direktor tékniko Dunga pa Rogerio Micale. Awor Brasil, ku ya ta 5 biaha kampion mundial, ke logra gana e úniko título ku e futbòl di e pais falta, e medaya di oro den Weganan Olimpiko.