Bono mester a skonde durante atakenan na Nice.


Vokalista di e banda U2, Bono, tabata na un restorant na Nice, algun kaya pegá ku kaminda e atake terorista a tuma lugá dia 14 di yüli último, durante selebrashon di dia di Bastilla. E rokero irlandes di 56 aña tabata sena na momento ku un multitut di hende terorisá a kore den direkshon di e restorant kaminda Bono tabata. Doño di e restorant a bisa su trahadónan pa sera tur bentana i tur presente, inkluso Bono, a skonde pa sigur mei ora. Esaki ta di dos bia’ ku Bono tabata asina serka di un atake terorista. Na novèmber último tambe, e tabata apenas algun mia leu dje atake ku a tuma lugá den e teatro Bataclan na Paris. Den pasado tambe e kantante a haña su mes den otro situashon peligroso. Na novèmber aña pasá e porta di U2 su djèt privá a habri durante buelo. Na 2014 Bono a keda leshoná, despues di un aksidente ku baiskel den Central Park na New York. Debí na dos sirugia despues dje aksidente, Bono no por a toka kitara pa algun luna largu.