top of page

Hóben Polítiko Gwendell Mercelina ta kla pa kaso kontra Digicel.


E hóben polítiko Gwendell Mercelina, ku ta riba lista di Un Kòrsou Hustu di Omayra Leeflang, a kuminsá trámitenan pa un kaso kontra Digicel, despues ku a retir'é inhustamente (segun e), for di su trabou na Digicel. Segun Mercelina dia promé di yüni, e kompania a prolongá su kòntrakt. Dia 12 di yüni el a anunsiá ku e ta djòin e lista di Omayra i 10 dia despues, esta 22 di yüni Digicel a informá Mercelina ku e ta keda retirá di forma inmediato. Abogado pa Mercelina, Roque Koeyers, den un karta a mustra gerensha di Digicel riba nan desishon ilegitimo i a eksigí un rektifikashon. Digicel e kontesta Koeyers ku pronto por spera nan reakshon.

bottom of page