Atrakadónan a bai ku 90-mil florin di Pietersz Import.

Awemainta a tuma lugá un atrako riba trahadónan di Pietersz Import, nèt na momentu ku nan tabata bai depositá un suma di 90-mil florin na MCB na Rio Canario. Durante dje atrako, e malechornan lo mester a lòs tiru dirigí riba e empleadonan. Nan a logra hui ku e plaka den direkshon di Groot Kwartier i polisnan ta investigando e kaso. Por yama 108 – liña anonimo di polis pa duna informashon dje kaso.