top of page

Tur warda di polis na Aruba ta plat.


Oranjestad - Djasabra anochi, polisnan rònt Aruba a tene un ‘walk out’ entre 10or pa 12or di anochi. Esaki ta nifiká ku tur warda di polis na Aruba a sera i Aruba no tin polis durante e oranan ei. E polisnan ta mal kontentu, debí ku komo ‘frontliners’ nan tambe a sigui funshoná durante e periodo di COVID-19, sinembargo gobièrnu a kòrta den ‘bezoldiging i ‘vakantie uitkering’, mientras ku no a hasi esaki serka otro gremionan.


E wardanan di polis na entre otro San Nicolaas, Santa Cruz, Shaba i na Playa, tur a pone trabou abou i tene sali pafó. Den un promé reakshon, presidente di e sindikato di polis na Aruba (SPA), Joselito Dirksz a splika ku nan no ta aseptá e trato inhustu. Nan ta pidi pueblo di Aruba pa tene pasenshi ku nan akshon, mientras ku den siman lo sigui evaluá kiko ta bira e próksimo pasonan.

Yorumlar


bottom of page