Tapaboka ta birando un ekpreshon kultural den Latino Amerika.


Willemstad - Promé ku coronavirus a surgi, praktikamente niun hende no tabata uza tapaboka o maskará na kara. Awor nos solamente hendenan ku ta traha den hòspital ta uzé, sino trahadónan den supermerkado, shòfurnan di bus, pero tambe esnan ku ta kore baiskel òf djòg. Den Latino Amerika e uzo di tapaboka a bira un ekpreshon kolorido i kultural. Na Argentina tin tapaboka di ekiponan popular di fútbòl, na Mexico tin tapaboka ku tema di lucha libre i na Colombia e diseño di tapaboka, ta kombiná ku e trahe di baño. Den sierto kasonan aktivistanan ta uza e tapaboka hasta pa ekpreshonnan polítiko. Ta algu ku tin un impakto visual fuerte, asina Lauren Fajardo, doño di marka kubano Dador a bisa AP. Na Havana, varios kosedó a kuminsá traha tapaboka ku sobrá di paña ku nan tabatin, mientras ku na Brazil, skolnan di samba a legumai traha riba karosa, pa produsí tapabokanan kolorido. “Ta un forma pa ekspresá bo mes. Sin papia, un hende por mira na mi tapaboka loke mi ke bisa”, asina Fajardo a añadí.

Na momentu ku coronavirus a surgi den Latino Amerika, tur tapaboka a kaba rapidamente den botikanan. Esaki tabarin komo resultado, ku durante ‘lockdown’ mayoria empresario lokal a bira kreativo i kuminsá inová ku diferente estilo i ekpreshon riba e tapabokanan.