Ta spera entre 3 pa 6 orkan grandi durante temporada 2020.


Willemstad - Temporada di orkan a start ofisialmente dia promé di yüni i lo dura te ku promé di novèmber 2020. Ta spera ku e aña akí lo tin un temporada mas aktivo ku nòrmal, debí na varios faktor klimatologiko, entre kual e fenomeno di ‘La Niña’. Pa e temporada di orkan 2020 ta spera entre seis (6) pa dies (10) sistema ku lo desaroyá i bira orkan, di kual ta spera ku probablemente tres (3) pa seis (6) lo bira orkannan grandi. Ya tabatin dos tormenta tropikal kaba, Arthur i Bertha, mientras ta spera den kurso di e simannan ku ta sigui e siguiente tormenta tropikal den Golfo di Mèksiko. E siguiente sistema lo haña e nòmber Cristobal.