Joe Biden (D) ta skohé Kamala Harris komo ‘running mate’ pa presidensia merikano.

E kandidato demokratá Joe Biden (77) a anunsiá Kamala Harris komo su ‘running mate’ den e kampaña pa presidensia merikano. E senador di 55 aña di California ta bira e promé hende muhé di koló riba un ’ticket’ presidensial di un dje dos partidonan polítiko grandi na Merka.

’Mi a disidí ku Kamala Harris ta e mihó kandidato pa asistí mi den pelea kontra presidente Donald Trump i Mike Pence’, asina Joe Biden a anunsiá. Den e resien enkuestanan Joe Biden tin 53% di aprobashon mientras Donald Trump ta nan 40% den e ‘race’ pa kas blanku. Dia 3 di novèmber tin elekshon pa e di 46 presidente merikano.