Jandino a kolektá mas di 1 mion florin pa yuda Kòrsou, Aruba i Sint Maarten.


Jandino Asporaat a logra kolektá 800-mil euro (masomenos 1.5 mion florin) ku su akshon ‘Samen één koninkrijk’. Durante di e programa di televishon ku a tuma lugá den fin di siman e komiko yu di Kòrsou a logra kolektá 769-mil euro, mientras ku ainda tin donashon ta drenta. Ku e akshon Jandino a kolektá sèn pa yuda Kòrsou, Aruba i tambe Sint Maarten, ku a haña un slá ekonomiko fuerte komo konsekuensia di coronavirus. Durante e show di televishon, varios personahe popular a partisipá. Entre otro, nos atleta olímpiko Churandy Martina, kantantenan Shirma Rouse, Edsilia Rombley, Tania Kross, Trijntje Oosterhuis i Giovanca. Ku loke a drenta na donashon, lo traha diferente paketenan di kuminda pa esnan mas afektá riba e islanan.