![](https://static.wixstatic.com/media/8d73fb_b0dce3a64daf46a9860af46da851ca97~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/8d73fb_b0dce3a64daf46a9860af46da851ca97~mv2.jpg)
Willemstad – Durante un seshon di informashon ku ‘stakeholders’, epidemiólogo dòkter Izzy Gerstenbluth a papia riba tursimo sin karentena. Ta e intenshon ta pa entrante promé di yüli awor habri frontera di Kòrsou pa turismo for di algun pais. E presentashon, ku a tuma lugá den sala di konferensia na Kamara di Komersio den Punda, tabata pa entre otro pa e sektor hotelero. Banda di Ulanda ku ya a duna pèrmit pa siudanonan por biaha atrobe, paisnan manera Alemania i Belgika tambe a habri nan frontera. E dos último merkadonan ya tabata atraktivo pa Kòrsou promé ku e situashon di COVID-19 a presentá i lo por ta importante awor pa rekuperashon di e sektor turistiko di Kòrsou. Ta e inteshon pa yega na 10 mil turista durante e promé luna ku habri frontera pa risibí turista sin karetena. Despues lo evaluá kon ta bai sigui. E merkado merikano ta keda será por lo pronto pa Kòrsou, mientras ku Aruba i Sint Maarten sí lo kuminsá risibí turistanan merikano. [foto kortesia Korant Vigilante]
![](https://static.wixstatic.com/media/8d73fb_94b3d6fac2ed411b9ca7372a7c491448~mv2.png/v1/fill/w_49,h_32,al_c,q_85,usm_0.66_1.00_0.01,blur_2,enc_auto/8d73fb_94b3d6fac2ed411b9ca7372a7c491448~mv2.png)