Didi Gregorius a bira 'free agent'.


Marickson 'Didi' Gregorius

New York Yankees prbablemente lo no keda ku Didi Gregorius komo nan ‘shortstop’ estelar. E YdK tambe ta riba un lista di 7 hungadó di Yankees ku ta bira agente liber. Didi tabatin un bon prestashon ku e organisashon di Yankees, kaminda, kontra tur ekspektativa el a logra pa okupá puesto di e legendario Derek Jeter ku hopi fasilidat. E aña aki Didi a start rekuperando di un leshon ku el surfi durante ‘season’ pasá. Sinembargo, el a bolbe demostra su balor ku bon prestashon di 16 honron i 61 RBIs den 82 wega durante e temporada 2019. Didi mes a bisa semper ku su deseo ta di keda hunga pa e organisashon di Yankees, sinembargo awor ku a bira ofisial ku e ta agente liber, esaki por nifiká ku Didi lo por kambia di ekipo den e proksimo temporada di MLB.