A surgi problema pa wak pelikula riba Netflix.


Willemstad - Djamars durante dia, a surgi problema pa usuarionan di e popular servisio di pelikula ‘online’, Netflix. Hopi usuario, prinsipalmente na Inglatera i Oropa tabata haña e mensahe : ’Something went wrong’ òf simplemnete ‘Not working’. Na sierto partinan di Merka tambe tabatin problema. Via nan wèpsait, Netflix a komfirmá e problema. Debí na COVID-19 mayoria di su empleadonan ta trahando for di kas i konsekuentemente esaki a krea un problema pa por a kumpli ku e demanda haltu ku tin nèt den e periodo akí ku tin hopi hende na kas. Sinembargo, segun Netflix 41% di e problemanan tabata debí na konektividat,(internet malu o ousente), mientras ku 34% tabata debí na e problema ku nan servisio. Entretantu e situashon a nòrmalisá na mayoria kaminda. Den un “tweet’, Netflix a indiká ku nan ta konsiente di e problema ku a surgi i ta inbestigando esaki pa no ripití.