A 'hack' sistema di Ministerio di BPD.


Armin Conquet, Minister di BPD

Malechornan a ‘hack’ e sistema di ministerio di Maneho di Gobernashon Planifikashon i Servisionan Publiko mihó konosí komo BPD. E atake sibernetiko, yamá ‘Randsomeware’ a afektá e sistema di BPD i a lòk tur e ‘file-nan’ digital di e ministerio. E situashon ta hopi serio debí ku a blòkia tur funshonamentu, transakshonnan i korespondensia di e aparato publiko. Loke ta hasi e situashon mas fèrfelu ta ku e sistema di ‘back-up’ tambe a keda afektá. Entretantu Minister Armin Conquet ku ta responsabel pa e ministerio a kuminsá

ku ehersisionan pa mira kon por remediá e situashon mas pronto posibel. No ta konosí ainda kiko e ‘hacker-nan’ ta eksihí komo rekompensa. Minister Conquet a keda pa duna mas informashon tokante e situashon den e dianan ku ta sigui.