E ‘blackout’ di djabièrnè na WEB na Aruba ta debi na un ‘storing’ den turbina 6. Asina e kompania rubiano di utilidad a splika den un komunikado.
Djabièrnè 11 di mei alrededor di 9:35 mainta a surgi un interupshon den produkshon di koriente na WEB. Esaki a pone ku hinter Aruba a keda sin koriente i preshon di awa tambe a keda afektá. A tarda sigur 6 ora pa por yega bèk na 100% suministrashon di koriente pa hinter e isla. Algun area a haña koriente bèk despues di apenas un ora.
WEB a diskulpá pa e inkonvinensia kousá i a gradisí pueblo pa e kompreshon. E kompania a gradisí tambe su teknikonan i di ELMAR pa e bon koperashon di manera ku por a rekuperá rapido despues di e ‘blackout’.