E aña ‘ki varios tumbero popular lo no ta den Festival di Tumba. Den nan tin Djuric ‘Dju Dju V’ Virginie ku tabata Rei di Tumba 2013. ‘Dju Dju V’ a splika durante un entrevista den “Morgan Morgan!”, ku e aña’ki su banda GENTZ lo no ta den tumba i komo tal e tambe a opta pa keda afo. Tantu Quinthony ‘T-Sean’ Thomasa ku Quincy Amasia ku tambe a presentá hopi bon ku GENTZ aña pasá ta na Ulanda i lo no por partisipá pa motibunan di estudio i trabou. Otro gran ousentenan ta doña Elia Isenia (Reina di Tumba) i su yu muhé Remaisha Isenia ku aña pasá a sali di tres finalista ku “Biba Bo Bida”. Tur dos a opta pa wanta e aña aki pa motibunan pèrsonal. Heinrich “Richie Rich” Pieter ku semper ta un dje tumberonan peligroso tampoko lo no ta den Festival di Tumba 2017. Sinembargo di otro banda tin varios artista popular den otro genero, manera müzik urbano krioyo, ku e aña aki ta subi tarima pa Festival di Tumba. Poer ehèmpel, e talentoso hoben Ryan “QD” Navarro lo presentá ku komposishon di Gibi Doran. Mester hasi menshon tambe di Ori Frans ku lo presentá ku O’Vega den Tumba 2017. Inskripshon ta habri for 2or i ta sera 6or na Curaçao Festival Centre.