Representantenan di AVA Airways Giovanni Atalita i Olivier Arrindell a firma un akuerdo di 65 mion dòler ku Capital Partners pa invershon den lantamentu di e kompania di aviashon AVA Airways. 20 mion dòler di e suma lo ta disponibel di forma inmediato na fin di yanüari 2017 pa asina finalisá e proseso di negoshashon i akuerdo pa kuminsá ópera for di Repúblika Dominikana. E kompania di aviashon lo kuminsá ópera pa 15 pais den Karibe, entre otro Kòrsou. Den e próksimo lunanan lo bai un petishon ofisial na outoridatnan pa por haña pèrmit pa baha na Kòrsou. AVA Airways ta bai disponé di 4 airbus 319-200.