Barku pa karga di stal na Caracasbaai ta bai findishi.

E barku karga Flintersun, ku tin un kargamentu di stal i aktualmente ta mará na Caracasbaai, ta bai vindishi públiko, dia 19 di desèmber awor. E vindishi ta tuma lugá riba petishon di ING Bank komo esun ku tin e promé título di hipoteka. E barku ta di konstrukshon aleman. El a keda konstruí na 2002. E tin dos espasio di karga pa un máksimo bruto di 6.577 tòn.

A pidi pa deklarashon di bankarota riba enkargo di Flintersun III B.V., ku domisilio na Barendrecht. E akta di hipoteka ta fechá 30 di sèptèmber 2013. Entrante 15 di novèmber 2016 a otorgá un krédito pa un suma kapital di 46 mion euro.